വര്‍ത്തമാനകാല രാഷ്ട്രീയവും വയലാര്‍ ചിന്തയും; വയലാര്‍ അനുസ്മരണവും ഗാനാലാപനവും സംഘടിപ്പിച്ച് തിരുവങ്ങൂര്‍ സൈരി ഗ്രന്ഥശാല
ചേമഞ്ചേരി: വയലാര്‍ അനുസ്മരണവും വയലാര്‍ രചിച്ച ഗാനാലാപനവും സംഘടിപ്പിച്ച് തിരുവങ്ങൂര്‍ സൈരി ഗ്രന്ഥശാല. വര്‍ത്തമാനകാല രാഷ്ട്രീയവും വയലാര്‍ ചിന്തയും എന്ന വിഷയത്തെക്കുറിച്ച് വിശകലനം ചെയ്തു.
കൂടാതെ വയലാര്‍ രചിച്ച ബലികൂടീരങ്ങളെ…, മനുഷ്യന്‍ മതങ്ങളെ സൃഷ്ടിച്ചു… തുടങ്ങിയ ഗാനങ്ങളും അനുസ്മരണ യോഗത്തില്‍ ആലപിച്ചു. കലാസാംസ്‌കാരിക പ്രവര്‍ത്തകനും റിട്ട: ഡി.ഇ.ഒയും എസ്.എസ്.എ മുന്‍ കോഴിക്കോട് ജില്ലാ പ്രൊജക്റ്റ് ഓഫീസറുമായിരുന്ന എം. ജയകൃഷ്ണന്‍ ഉദ്ഘാടനം ചെയ്തു.
ലൈബ്രറി കൗണ്‍സില്‍ അംഗം എന്‍.ടി മനോജ്, പി.കെ പ്രസാദ് എന്നിവര്‍ സംസാരിച്ചു. അശോകന്‍ കോട്ട് അദ്ധ്യക്ഷനായ ചടങ്ങില്‍ പവിത്രന്‍ സ്വാഗതവും ജോഷ്‌നി നന്ദിയും പറഞ്ഞു.